نزعل ونتكبر وحنا من الطين
والكل منا يصد لأأقبل خويه
نفتخر نقول انا على الصد قاوين
وهي علينا فالحقيقه قويه
ننسى نهايتنا وعلى وين ماشين
وننسى الزمان اللي جمعنا سويه
المشكله ماهي بحاجه لتخمين
ولاهي ياناس صعبة القضيه
دق الرقم
كيفك ***هلافيك*** واهلين
انا الخوي اللي مزعل خويه
تغيب وصورتك داخل العين
ويبقى لحبك في خفوقي بقيه
اخواااان حنا لويجي بيننا شين
ومانفترق دام المحبه نديه
خلك قوي لاتحتكرك الشياطين
قبل الفوات وقبل وقت المنيه
هاذي هي الدنيا من الحين للحين
لابد بين الناس تحصل خطيه
(ومن لايقدر غلطة احبابه الحين
يقرا حروفي ويعتبرها هديه)
باااكر تمر اسنين وسنين وسنين
والكل يرحل فالدروووووب المديه
صدقني تندم واذكر حروفنا زين
تندم على خلك اذا غاب ضيه
دنيا غريبه واكثر الناس ماشين
وكم صاحب والله دفنته بيديه