خلوني بالبدايه اعرفكم عن نفسي
اكينو شاب وسيم (لازم اتميلح شوي) وعمري 28
تعرف على زوجتي بطريقة غريبة كثير .. والصدفه جمعتني فيها
جاتني دورة بمدينة الرياض مدتها 3شهور عشتها مثل أي عزوبي ملحط لا اكل ولا سكن مثل الاوادم ..
وصرت اشكي الحال لخويي قالي حياك الله في بيتي انت مابقى لك الا اسبوعين اقعدها في بيتي ووافقت بعد اصرار منه
عشت احلى اسبوعين في عمري طبخ شهي ومتنوع نظافه وروائح حلوه باليت كانت زوجته سنعه ماشاء الله تبارك الرحمن
لامن قمت المغرب من النوم واطلع اصلي اجي القى الغرفه نظيفه ومبخره والسرير منشال والقهوه مكانه وملابسي تغسلها وتكويها وتبخرها كانت ببساطه ربت بيت يحلم فيها الكثيرون ..
في اخر يوم لي عندهم شريت هديه له ولزوجته محترمه بمبلغ وقدره ومديتها لخويي
قالي اجل بتني الصغيره تبي تتشكرك وتوادعك خلني اناديها لك ,, عمرها بحدود الاربع سنوات جتني وكااانت الصدمه !!!!
البنت كانت جميله جدا جدا رغم صغر سنها
وكان خويي مافيه ذاك الزود من الزين و عرفت انها ت

{ لايمكنك مشاهدة باقي المشاركة لأنك زائر }

عفوا ... نأسف على هذا الازعاج  • لا يمكنك مشاهده باقي المشاركة, هذا قد يكون عائداً لأحد هذه الأسباب:  • انك غير مسجل للدخول بأسم العضوية.  • لم تقم بتسجيل عضويه معنا حتى الآن.  • تسجيل عضوية جديدة - ( أضغطي هنــا )  • تسجيل دخول الأعضاء •  اسم العضوية حفظ معلومات الدخول كلمة المرور  • تسجيل عضوية جديدة  • هل نسيت كلمة المرور؟

اااااااااااااااي كملي
انا بدي تكملي رجائآ
بدي اعرف شو بصير بعدين ولو حتعبك كملي

مشكوره على المرور ابكمل بس موب الحين مشغوله اشوي

اشكركم على متابعتكم كل الشكر واعتذر عن انقطاعي البسيط عنكم لضروف لا اراديه ( انقطاع اتصالي ) ..
والأعضاء اللي شككوا بمصداقية القصه اتمنى يغادرون الموضوع مع احترامي الشديد لهم ..
والعضوه اللي بالمنتدى هي بطلة القصه هههههه
نرجع للقصه ..
خذيت لي شآور محترم ولبست وكشخت ولقيت ام مشاري مولمه الطيب وتطيبت وتوكلت على الله .. صليت المغرب بمسجدهم وصادفت ابوها هناك سلمت عليك ورجعنا للبيت مشي قلت له على سيارتي اسرع لنا بس هو رفض ههههه
دخلت بيتهم وصادفة اخوها الصغير كان عمره سنتين تقريبا قلت له تعال سلم ياولد ( ابي اشوفه زين والا لا ههه )
بس راح وخلاني هههه
دخلت البيت وتقهويت مع ابوها ودخل علينا اخوها وسلم وانا على اعصابي ابي البنت المهم الشايب طلع واخوها دق جواله وطلع ..
شوي وانا اللي اسمع صوت الكعب طق طق وانا قلبي طق طق ( نغمات وتناسق موسيقي بيني وبينها وش دراكم انتم ههه )
دخلت وهي ماسكه ذراع ابوها اخذها ابوها وجلسها قريب مني وطلع وقفل الباب ( فله هالشايب ههه )
كنت هالوقت منزل عيني ماغير ألمحها من بعيد مالها داعي اشوفها قدام ابوها .. المهم قمت انا وجلست جمبها قسم بالله شميت فيها نفس ريحة العطر اللي كنت اشمه في بيت اختها
التفت عليها وشفتها
( عاد زوجتي وامدحها بكيفي وش زود حامد زيد يقصد في زوجته )
ياااااالبيييه بس ياناس فيها بياض ماعمري شفته كأنها لمبه بياضها نااااصع ( يعني يمديها تسوي دعايه لتايد بالراحه ههه )
عيونها وسعاااااع ومكحله والرموش طوال وسود ( اذا رمشت طيرت علينا هواء من كثرها ههه )
فيها ملح وغمازتين تاكل العقل
والجسم حااااااجه ثانيه ماتعطيها عمرها ابد ابد طول وجسم رويان وخصر محفور حفر ..
سألتها انتي وش اسمس ههه
والله اني فهيت ههه
ماردت علي قلت لها طيب تدرسين ههه بعد مارديت بصراحه شكيت قلت لازم يكون فيها عيب اكيد انها طرما هههه
كانت مره مستحيه قالتلي عن اذنك ومشت وانا مفهي قاعد اشوف مشيتها وهزة خصرها هههه
طلعت من بيتها وعقلي وقلبي معاها الله ياهي مزيووونه
انا وسيم وعائلتي معروفه بالجمال بس مثل جمالها مستحيل يكون فيه مقارنه
طلعت ادور بالحواري ادور سيارتي ناسي اني راكنها عند المسجد شغلت سيارتي واتصل علي الوالد هاه بشر يابو خلود نقول مبروك ؟ على طول رديت ايه ايه موافق ابيها يبه ههه
مرت الأيام ولازالت محاولاتي بإلأقناع بالملكه دخلنا رمضان وقالوا إذا طلع الشهر نملك لان عائلتهم تروح الشهر كله لمكه
وملكت عليها
ثالث ايام عيد الفطر وصار عيدي عيدين ..

غرقتها بالهدايا لانها توها ضعيره ابي اكسبها مهرها طلبوا خمسين بس انا دفعت ميه لان كل خواتها مهورهم ميه ولا ابيها تحس بالنقص بينهم وسوينا شبكه صغيره بسيطه وعائليه
وهنا خذيت راحتي طالع وداخل من بيتهم حتى مره جبت لها فطور وافطرنا مع بعض .. على صغر سنها إلا انها لعوب تسوي حركات مثيره وهي برئيه وإلي ساعتكم ما ادري هي قاصده والا ماقاصده يعني تجي توكلني بيتزا ويطيح الزيتون في حضني تقوم تاخذ المناديل وتمسح وتلمس .... وهي ماتدري
تطلع سير السوتيان وانا اروووح ملح لاشفته تقوم بدلع تغطيه اويه بس ... تجيب اخوها الصغير وتبوسه بدلع ياليتني خده
الله يهديها اطلع من بيتهم واجلس بالسياره ساعه اروض خيلي هههه
بعد سنه تزوجنا واخيراااا
بالزواج دخلت عند الحريم ورقصت مع امي ههه والحريم قالوا وش هالمعرس اللي ماشاف خير بس ماهموني
رحنا اسبوع دبي ورجعنا ماكنا نبي سفر ولا مطاعم ولا تمشيه تخبرون تونا مستانسين ببعض
كنت مبسوووط فيها وبنفس الوقت افتخر تمشي هالمزيونه معي
قلت لها افتشي واللله البنت ماكذبت خبر فتشت وكانت تستحي تقول احس الناس يشوفوني وترجع تتغطا وانا اشيل غطوتها ما ادري وش يسمونها واضحك معاها
حركاتها مجنونه وتشوف هالعالم بالأفلام والمسلسلات وتقلدهم
مره كنا بالكورنيش بالفجر مافيه احد شالت كعبها ورفعت عبايتها وقعدت تركض وتصارخ شكلها يضحك والا بالبحر تصارخ وتقول احببببك اقولكم متأثره بالأفلام حركاتها مجنونه بس انا لأني اكبر منها استحي اسوي مثلها وتنقد علي عشان كذا كنت اهاوشها واقولها بلا حركات مبزره بس انا بداخلي اضحححك عليها
يتبع

اجازتي خلصت وكانت تقريبا شهر وقدمت على اجازه ثانيه من رئيسي
لاني داومت اسبوعين وكلها غيابات وتاخير واستئذان ووافق
قالي تراني متووصي فيك لامنك رجعت
معليش كله يهون عشان المعزبه
كملنا شهرين طلعات وسهر وختات للبحرين
شايها من الارض شيل
تقول ابي اهل اقولها ابشري واروح معاها في بيتهم انام عندهم يومين ونرجع
تزعل وتهاوشني تقول هناك زوج وهنا بعد زوج
مايصير ابي اشوف امي وخواتي
بس ماعلي منها
صار لنا موقف بالرياض
رايحين مطعم ونضحك ونسولف واصواتنا طالعه يوم جيت احاسب انصدمت برجال الحسبه (الهيئه) ماسكيني ودخلوا على زوجتي بالطاوله وكانت شايله عبايتها هاوشها وقالها تغطي بسرعه
تغطت وسحبوها وركبوها الجمس
جلست تصارخ وانا ماسكيني الحرس ومكتفيني وابعدهم عني ماقدرت حول 3 رجال وقسم بالله العلي العظيم اني ما اكذب
كان وراي طاولة البوفيه وفيها سكين سحبتها ابي اهددهم وجرحت نفسي ههههههه
هم خافوا وصرخت باعلى صوتي الله يحرقكم بجهنم
نزلوا زوجتي يا ناس ساحبينها وهي ماتغطت زين وجسمها ظاهر
واطلع وانا معصصصصب مره مره وفتحت سيارتي وهم ماسكيني يسحبوني يخافون انحاش وطلعت صوره من بطاقة العائله وارميها بوجيهم وانزل زوجتي من الجمس وكان بنفتح من قدام بس دخلت وطلعتها والملم عليها عبايتها واركبها السياره
ومشيت بس قبل سجلت رقم لوحتهم
كانت كانها مجنونه تشاهق من الخوف رحمتها لاني السبب توها صغيره على هالمواقف ضميتها على صدري وقريت عليها المعوذات وغسلت وجهها الملائكي بمويه وشربتها شوي عشان تخف الروعه اللي فيها
اتصلت على ام زوجتي وقلت الوقت متاخر ولا نقدر ندخل بيتكم هالوقت باخذ ليله بفندق وبكرا فطورا عندكم
وطول الليل وزوجتي بحضني وتبكي وانا اسولف عليها واضحكها بس بداخلي نار
كلمت خالي وكان يشتغل بالديوان المظالم
وشاف لي القضيه وكلم الفرع المسؤؤل
وكان الخطاء منا لان كنا نتكلم بصوت عالي وضحكنا طالع
وزبون بلغ الهيئه
تناسيت الموضوع
بس هي تتذكره للحين وكل ما تقول انت ماتحبني اقولها نسيتي يوم الهيئه وتنحرج وتسكت
يتبع

وينكم ماتبون اكمل يعني اوقف

وين التكمله ليش منتظره كمليها بسرعه قبل مايبرد حماسنا للقصه ومشكوررررررررررررررررررره حبيبتي

خلصت ايام العسل وبدينا بالجد
انا طالع يومي كله مشغول بالعمل رئيسي يعتمد علي كثير ومواعدني بترقيه
والوالده الله يحفظها سواقها سافر ومعتمده
زوجتي حبيبه لابعد الحدود قسم بالله ماعمرها شكت لي نهائي لانها متعلمه هالشي من امها
اوعدها اطلعها وانساها وتسكت
مره ادخل عليها واشوفها تبكي انا انجنيت حبيبتي وش فيك
دخل عليك احد ؟ من زعلك ؟ ليش تبكين ؟ قولي لي عشان اعلق رقبته هنا
قالتلي بهوء وحشتني الوالده
ابشري يابعد اهلي وناسي جهزي نفسك بكره نمشي لهم
ويجي بكره وانا مشغول وانساها بالمره ولاجيت البيت القاها قسم بالله بعبايتها تستناني
تقول هاه نمشي واقول يوووه تعبان
وتسكت وقسم بالله ماتقول شي
حملت بعد كم سنه من زواجنا وفرحت كثير انا وهي
كان عندي تأمين بس محتاج اوراق وشغل وانا مشغول ماني بفاضي وخليته
تحسبونها قالت شي ؟ لا والله سكتت وراجعت بمستشفى حكومي
مواعيدها كانت الصباح تلبس عبايتها وتمرها الوالده ويروحون مع بعض
مره جاي قرفان من الدوام وهي تستناني
اول مادخلت جايه تبوسني تقولي شوف الجنين بالاشعه الصوتيه
كانت اوراق سوداء ومافيها شي وهي توها اول شهر يعني مابان شي
قلت الله من السخافه فيك
روحي عني الله يخليك
قسم بالله ماجاكم الا الحق بدون زياده ولا نقصان
رمت الاوراق بوجهي وراحت نامت لان الوقت كان متاخر
انا دخلت ونمت قمت المغرب ولقيت البيت فاضي وين هالمره راحت ؟
يتبع
اللي ماشي بالقصه معي على عيني
وغيرهم والله ماهموني لاني ماني براعي نت بس داخل اوصل لزوجتي اني احبها ومني مثل ماتقول هي ..
يعني سبوا وشمتوا على كيفكم ربكم يحاسبكم
وش علي انا

قلت اكيد انها رايحه لاهلي لاني قايل لها اذا رحتي لاهلي لا تستأذنين
وصدق لبست ورحت لاهلي ولقيتها هناك
البنت تتجاهلني بشكل واضح قدام اهلي بالعاده تركض لي بالعصير والقهوه وهالمره الحقها وتروح عني
مسكني ابوي وقالي تراها فهمتني كل شي
واخوها جاي ياخذها
علاقتها مع الوالد قويه جدا جدا
وصل اخوها وكان وجهه منقلب الف لون
وش فيها اختي ؟
قلنا مافيها الا العافيه تبي تزور امها ومافيه احد يوصلها
هي طلعت وشافت اخوها وكان لها 3 شهور ما شافته
ضمته وبكت وهو يهديها ويمسح دموعها وخذها ومشا
وانا كنت اتفرج عليهم ولا تكلمت ولا حرف
راحت لاهلها وانا طول الوقت اتصل على اخوها بشرني وصلتوا ؟ طيب لاتسرع تكفى ..
واذا تعبان نام وامش من بكره
رجعت البيت مانمت قسم بالله اتقلب بالفراش
صعب تعودت عليها وعلى ريحتها
فتحت درجها وقريت مذكراتها
واشوف الجدول حق تنظيف البيت معلق بالثلاجه واضحك (بعد التنظيف يتم تعطر البيت على 3 مراحل الاولى قتل الجراثيم بالديتول البخاف والثانيه طرد الشاطين بالجاوني ما ادري وشو هي كاتبه كذا والثالثه تعطيره بالعود او المعمول او ماجاوره هههههه)
ضحك من كل كل قلبي عليها
ياحلوها وياحلوها حرصها الزايد
بعد اسبوع دخلت بيتي ولقيت الملابس منشاله من الكبت والبيت صاير يخوف يخوف يا ناس
كنت ابي اكلمها واقولها اسف اسف
بس كبريائي يمنعني انا اكبر منها وهي بزره !!
وقسم بالله بكيت ذيك الليله عليها
هالمكان ضحكنا فيه وهالمكان رقصلت لي فيه وهالمكان شكت لي فيه عن دراستها
وهالمكان تقهوينا واكلتني من الفاكهه بيدها
البنت لاصارت سنعه وقلبها ابيض تنفقد تنفقد يا ناس
كلمني اخوها وكان معصب بس ماسك نفسه
قالي اللحين حنا صاينين اختي ومحافظين عليها تجي انت وتدهورها !! البنت تقول انا اطلع لحالي السوق ويتحرشون فيني الشباب .. وتقول بالمستشفى يدخلوني على دكتور ويلمسني باماكن ولاقلت شي اخاف اكدره بس هي كانت ذكيه كلمت الوالده وقالت لها تدخل معاها العياده تصرفها اكيد غلط بسفيه ذكاء من بنت بعمرها..
خلاص انت مالك بالبنت وش تنبي فيها طلقها وانا بخلص عنك الاجرئات بس طلقها طلقها هي ماتبيك !!!
قفلت منه ونطلت نفسي على الوساده وبكيت بكيت مثل الاطفال
او البنات اللي بالمسلسلات والله بكيت من قلب قلبي

بديت بالصلح معها لا نفعع لان اخوها واصل معه
طلب مني جوازها وصورها وانا مارديت عليه
واتصل على الوالد واخذها مني ابوي الغصب وجانا اخوها بنفسه واخذها ..
والله يا ناس لا اكل ولا نوم ضايق صدري بالحيل
ارسل لها مصروف مع اختي ويرجع
اكلم الثابت ويرد اخوها الصغير ويقول اختي طالعه
ادري يصرفني
وجوالها مقفل هالصغيره قدرت علي وقوتني
جا ذاك اليوم وكلمت الولد وعمي (عم ابوي) شيخ كبير ومعروف
ورحنا لبيتها صارت الصلحه ولله الحمد انا ماشالتني رجولي من الفرحه حتى اخوها حبيت راسصه واعتذرت له
قلت انا جايكم اليوم الفلاني بعد صلآة المغرب اخذ زوجتي ..
وصلت بيتها بعد صلاة العصر(عجله ههه)
اتصلت على جوالها والوالد كان محرصها لاترجعين للماضي ولا تزعليني خيك مثل ما انتي وفعلا طبقت كلامه بالحرف الواحد
اتصلت على جواله رد هلا حبيبي
يالبييييييييه صوتها يرد الروح
وقسم بالله العلي العظيم خذت نفس كبير يوم سمعت صوتها
رديت بثقل متصنع اطلعي انا برا
قالت ليش طيب ادخل خذلك فنجال ي
سفهتها وقفلت الخط
كنت مقهور منها مشتااااق لها وابيها
وقاهرتني بزعلها ..
طلعت بعد ماتاخرت علي كثير
فتحت الباب وصافحتني ومشينا
قالت لي على وين ؟ قلت اهلي ولهين عليك يبونك
قالت توله عليهم العافيه ومشينا للهلي ..
وصلنا على الساعه عشره تعشينا عندهم بالبيت وجلست مع ابوي شوي
وناداني قالي اسمع يابتعقل والا قسم بالله ارجعها لاهلها اللحين
قالت له وش صار بينا ......
انا خفت بصراحه واحسها ماتحبني مثل اول
قدمت اجازه اسبوعين ورحت لماليزيا انا وياها
مديت لابوها مبلغ حلو (ماحنا ببدوي بس تقدير للرجال)
شريت لها كل شي تبيه كاميرا جوال لاب توب طقم ذهب لها ولامها
اهلها مرتاحين ماديا بس تقدير لهم
زانت مورنا وعشنا احلى عيشه
نسيت اقولكم دخلتها احلى مستشفى خاص بالرياض
ودخلت الشهر العاشر واضطروا يسون لها طلق صناعي (الحريم يعرفون وشهو ههه)
وقفت معها اسمك يدها وهي تبكي وتصارخ
وقسم بالله العلي العظيم انها يغشا عليها من الالم وتقوم تصرخ باسمي
يافلان وينك اقولها هنا هنا
والممرضات حولها يهدونها وهي تبكي تبيني
تعسرت ولادتها كثير مره
وتعبت ووف نبض الجنين
بس ربكم ستر وطلعت البنت
قسم بالله اني ما اكذب بالحرف الواحد كانت تقول
الحمد لله ياربي بنت قمر وحلوه شوفها يافلان دبدوبه وبيضاء الحمد لله يارب الحمد لله يارب تستاهل التعب والله انه كلامها بالحرف الواحد
انا بكيت وهي بكت حتى البنت جلست تبكي
قطعت حبلها السري واذنت باذنها
ياحلوها من ايام
دخلنا شخصين بغرفة الولاده بالساعه 9 الليل
وطلعنا ثلاثة اشخاص بالساعه 12 الظهر من يوم الجمعه ..
هذي حسنه ثانيه يازوجتي تخليك تعرفين حبي لك ..
يتبع

مشكوره اختي ملكني على اتوضيح اكيد من منتدى ثاني وانا احطها كما روها صاحبها وهو يحلف انها حقيقيه ومشكورين على المرور

قصه حلوه حبيبتى

بعد ماولدت راحت لاهلها فقدتها كثير وصرت اقولها ترجعين بيتك مثل الاوادم بس هي تتدلع وتقول تعبانه وما ادري ايش
حسسيتها ثاقله علي ..
واذا كلمتني بالجوال تقولي يوووه الحريم اليوم انجنوا علي مو مصدقين اني ام
يقولون تكذبين توك مابعد اعرستي وين ابوك نخطبك منه
وانا يرتفع ضغطي وما احبها تقول هالكلام احس تشوف نفسها علي
رجعت لي وهي عروس واحلى من اول
وانا اكابر ولا المسها ولا اقربها عشان تحس بالذنب
بنتي من طلعت على الدنيا وانا ماشاء الله تبارك الرحمن
الخير جاني من كل صوب
ترقيت بجهدي وجمعت لي كم قرش وبنيت استراحه ولازلت اشتغل فيها
يعني بعدت عن زوجتي وبنتي اكثر من اول
يشهد الله ما ادري عن شي مواعيد تطعيم مراجعات و و و
حتى مقاضي البيت تروح هي والوالده تتقضى للبيت
وصابره علي مع اني احسها ماصارت تحبني مثل اول
اذا سالتها تحبيني ؟ تغير الموضوع لانها مستحيل تكذب ولاتحب الكذب
مرا قالت لي انها شاكه انها حامل
انا طارت بوهتي وش اللي حامل وانتي مالك الا 4 شهور
تنزلين اللي في بطنك تنزلينه جلست اهاوشها مع انها مالها دخل
قلت لها البسي عبايتك ونمشي للدكتوره
وهي ماغير تبكي وتستغفر بالطريق انا معصب والف على هذا واصقط على ذاك وااااصله معي ما ابيها تحمل
الله لايعاقبني
دخلت الغرفه وحللت تحليل دم وقالي ربع ساعه وتطلع النتيجه

يتبع
جتنا الممرضه ومعها ظرف انا لقطته من يدها وفتحته مافهمت وش مكتوب اعرف انجليزي بس الرموز ماعرفتها
ولا اعرف افرق بين النقتف والبازتف .. سحبت الممرضه بيدها يعني ايش هذا ؟ قالت مافي حمل
ووووووه تنفصت الصعداء اللحين التفت وراي ادور زوجتي مالقيتها نزلت تحت لقيتها بالكراسي جالسه مشينا وبالسياره اسمعها تبكي قلت وش فيك بعد قالت لا بس مشتاقه لبنتي اول مره ابعد عنها ( البنت حطيناها في بيت الوالده)
ما اخفيكم انبني ضميري مره وحسيت اني جرحتها رحنا للبحر وهي على اعصابها تقول ابي ارجع البيت انام
ومالها خلق لي امسك يدها وتشيلها واضحك معها وتبتسم مجامله
واضح انها مخنوقه واعدتها نروح للبحرين الاربعاء
وتكنسلت الروحه عشاني مشغول ورحنا الجمعه
يتبع
يا اخوان اقسم بالله اني كنت مضطر اطلع اخلص لي اشغال والا ماهو بقصدي اخليكم
انا بالدوام واتصالي سيئ للغايه .....
الجمعه صلينا العصر ومشينا للبحرين والبنت حطيناها عند الوالده وصلنا للديره ودخلنا السيف وجلسنا بقهوه فيه (عرفتوها اللي بالزاويه وفيها شجر بلاستك مليان منها) المدام موسعه الصدر وماتسمع الا ضحكها بالمكان وتدلع علي وتحرك يدينها وهي تسولف وتطلع ذراعها لفتت الأنتباه اول مره نبهتها وثاني مره هاوشتها
انا ماقهرني الا رجال وحرمته جالسين جمبنا هو مطير عيونه علينا وزوجته تفرك من الحره
انا استغربت من هالرجال بالصدفه اشوف ساق زوجتي كله طاااااااااالع انا جن جنوني وقلت لها قسم بالله انك ماتربيتي وحاسبت وطلعنا طول الطريق كانت تبكي وانا اهاوشها ادري انه بالغلط وماكانت متعمده بس بعد كانت تنتبه نزلنا بيت اهلي وقالت انا ابي انام عند خواتك وكانوا خواتي يبونها وخليتها ورجعت للبيت ونمت ..
قمت الصباح على صوت ازعاج وبيني وبينكم خفت البيت مافيه احد طلعت لقيت المدام وخواتي برا يسولفون ويرقصون
انا كنت طالع بشورت وخواتي بعد كانوا يراقصون تفشلنا من بعض رحت لبست قميصي وانا معصصصصب قلت وش جابكم قالوا جينا مع السواق امس الليل طفشنا قلنا نجي هنا نغير جو اتصلت على اخوي يجي ياخذهم قالت زوجتي برجع معهم قلت لها اقعدي مافيه روحه وش هالبرود فيها انا زعلان وهي تدور الوناسه طلعوا خواتي وانا سلمت على بنتي ورجعت كملت نومي وهي مثل العاده فتحت اللاب توب وكملت سهرتها
افهموني الله يعافيكم انا مانزلت الموضوع الا عشان اوصلها اني احبها ابيها تدري وش اللي بداخلي انا بطبيعتي جاف جدآ
ولا قصدي اجمع معجبات مثل ماقالوا
من بعض المشاكل اللي تسبب مد وجزر بحياتنا
عاداتنا .. في بيتنا ماعندنا شي اسمه رجال وحريم الدعوى خليطي
البنت في ليلة عرسها دخل ابوي واخواني يسلمون عليها خافت وارتبكت ولا الومها لانها ماعنها خلفيه مسبقه عن الموضوع
كانت تخاف تقول ما اقدر اجلس اتغدا مع اخوانك
واذا رحنا لبيت اهلي تخاف وتزمل من الروحه
بعدين تغير وضعها قسم بالله انها تطلع مع خواتي للمطعم واخوي معهم على طاوله وحده
كانت تقول ان اخوك (هو بنفس عمررها بالضبط وعلى فكرا كلهم مولودين بحرب الخليج ههه)
كانت تقول ياليتني اتزوج اخوك من باب المزح يعني
لانه نفس عمرها ونفس التفكير والرجه
صار اخوي يشوفها بنظرات غريبه حتى انا لاحظتها بس ماكنت اقول شي
اخاف اسبب مشاكل بالعايله
وهي تشكي منه ولا ارد عليها وتزعل وتقول انت مافيك غيره علي
ولا يهمك الا اهلك وجماعتك
احترم مشاعرها ولا ارد
زوجتي والله اني اغار عليك
وملاحظ كل شي لاحظتيه
يتبع

موفق وين التكمله لا تطول علينا

هيه يبنات ترا انا قاعده انقل لكم القصه موب لي لا تكلموني على اني ولد هههه



وايضا سافرنا للجنوب بالاجازه
انا واهلي وصار بينها سؤ فهم هي واختي
انا كنت مقهور منها مره وهاوشتها قدام امي وخواتي
وخليتها تعتذر لاختي
وانا والله ما ادري وش هواشهم عليه
زوجتي انا غلطان واعترف لك واتمنى تساحيني
ايضا صار عندها ضروف عائليه جدا صعبه وانا كنت لاهي باشغالي
وكنت اخر واحد يعزيها
هي مازعلت بس عارف ان الموضوع بخاطرها
زوجتي اسف واسف واسف
الموضوع شارف على الانتهاء
تحبون اذكر لكم مواقف صارت لنا والا اعطيكم القفله واتوكل ؟
وش فيكم ترا مافيه شي كبير
انا وهي مع بعض وبالف صحه وعافيه
لا طلاق ولا موت ولا هواش
كل مافي الموضوع كلام ابي اوصله لزوجتي

خلوني اعطيكم القفله
زانت امورنا صرنا احبا واصحاب على قولتهم
وهي موب عاجبها
تدخل هالمنتديات وتشكي مني زوجي مايدلعني ولا يحبني
يابنت الحلال وقسم بالله اموت في ترابك
بس اتثيقل افهمي !!!
واكبر دليل قولي لي ودني اهلي اتميرض واسوي بلاوي عشان ماتفارقيني
تقول فلان يمدح زوجته بالمنتدى
وفلان كاتب قصيده بزوجته باليوتيوب
رحت وسرقت لها شعر باسمها من النت
وارسلته لها
البنت فرحت ويشوفونه خواتي قالوا غريبه ماندري ان اخونا يكتب قصيد
فضحوني بس هي طلعت ذهينه قالت وش دراكم انتم الحب ومايسوي ههههه
اللحين يازوجتي العزيزه صرت مثل اللي انتي تغارين من حريمهم
سجلت بالمنتديات وانا ما احبها وكتبت فيك اللي تبين
ومدحت بحسنك اللي تقولين انا ما عجبتك
وكل الناس يمدحوني وانت لا .....
وترجيت المشرفه عشانك وتستاهلين اترجى المنتدى كله لعيونك
الحلوه
مخلي الولد والتلد ومقابل هالجهاز عشانك
تسجيل خروووووج للأبد
وشكرا لمن تابعني
واذكروا الله ترا العين حق
وسموا بالرحمن وصلوا ركعتين وناموا

قصة جميلة حبيبتى تسلم ايدك

قصه جميله وطويله مره شكرا


الجوله الثالثه

قصة جميلة بالحيل و الله يحفظهم من العين و الحسد و يكملون مع بعض

تسلمين يالغلا ع القصة الجميلة